齋戒月 - 好彩定唔好彩﹖

你都米話唔邪﹐我地好揀唔揀﹐呢個時候去伊朗﹐真係......

你知嘛﹐我地一去到伊朗﹐就係齋戒月o既第一日呀﹐今日剛好一個月.....

伊斯蘭教齋戒月由9月24日至10月24日﹐我地撞到正呀﹗做乜野﹖仲使講﹖冇啖好食囉﹗﹗﹗我瘦左差唔多兩格皮帶窿呀﹐陰功﹗

不過呢﹐齋戒月都有不少好處的﹐起碼女孩子可以去減肥啊嘛﹗我都有想過日後可以搞減肥團﹐一定好多人參加o即﹐就算唔係齋戒月﹐果度D食物一樣係........可以令你減到肥的﹗

事實上﹐齋戒月期間﹐穆斯林可以趁此減少攝取食物﹐既可以排出毒素﹐淨化肉體﹐又可以淨化心靈﹐與阿拉更接近。在日落之後﹐穆斯林都會祈禱﹐然後才開齋﹐人們這時就可以享用豐富的晚餐﹐不少清真寺還提供免費的乾餅(類似新疆的囊)和蒸飯(伴牛油/芝士)給教徒享用﹐這對普通百姓﹐特別是貧困家庭來說﹐宗教信仰起碼可以解決溫飽呀。不過這是我以小人之心度君子之腹﹐因為﹐即使你是遊客﹑外國人﹑非穆斯林﹐也一樣可以享用開齋晚餐。

不過講到食物﹐我們這幾個行友原也算什麼都能吃的了﹐但是對於伊朗的飲食文化﹐實在不敢恭維。

難怪﹐波斯美女都很苗條呢﹗